Овие три земји се најпопуларни дестинации за инвеститорите во 2017 година
Објавено во: Економија 04 Јануари, 2017
Во оваа година вниманието на инвеститорите ќе биде насочено кон земјите во кои има подобрување на политичката клима и каде пазарите се помалку ранливи од надворешните фактори како инаугурацијата на Доналд Трамп за претседател на САД.
Русија, Индија и Бразил ќе бидат едни од најатрактивните за инвеститорите меѓу економиите во развој во 2017 година. Тоа го наведува Bloomberg во својата анализа.
На прво место меѓу пазарите во развој е Русија. За инвеститорите кои вложуваат во ниски камати и купуваат државни хартии од вредност, рубљата има многу голем потенцијал. Руската економија, пак, ќе добие дополнителен позитивен поттик од скапата нафта.
Во листата на најпопуларните дестинации за инвеститорите оваа година се редат уште Мексико, која ќе биде една од најпривлечните земји во регионот, главно поради ниската вредност на пезосот, како и Чиле, поради повисоките цени на бакарот.
Во Бразил акциите на Petrobras се уште евтини, а прогнозите на аналитичарите се дека компанијата ќе успее да закрепне оваа година.
Индија ќе стане привлечна иако во ноември во земјата беа повлечени банкнотите со номинална вредност од 500 и 1000 рупии.