ПАЛЕСТИНЦИТЕ НЕМА ДА СЕ ПРЕДАДАТ: Нови напади во Појасот Газа

„Ние не ја прифаќаме улогата на посредник на САД во решавањето на конфликтот, ние го прифаќаме само меѓународниот квартет и подготвени сме да преговараме, но не и врз основа на предлогот на Трамп“, изјави тој.

Абас кажа дека Палестина инсистира на признавање на границите од 1967 година.

Како што кажа претходно Трамп, „договор на векот“, ако се согласат, ќе им даде шанса на Палестинците да создадат своја држава, како и дека тоа ќе им овозможи да ја удвојат територијата.

Планот предвидува израелска анексија на сите еврејски населби во долината на реката Јордан, а на Палестинците им се нуди самоуправа во Газа, делови од Западниот брег и некои славо населени области на Израел во замена за исполнување долга листа услови.

Израелската војска соопшти дека почнала воздушни напади од „широки размери“ врз воени цели во Појасот Газа.

Нападите се почнати откако палестински екстремисти испукале најмалку три проектили врз Израел, од кои два се пресретнати.

Израелскиот премиер Бенјамин Нетанјаху деновиве го поздрави мировниот план за Блискиот Исток на американскиот претседател Доналд Трамп, оценувајќи го како „исклучителен“ и дека претставува „реален пат кон траен мир“.