Панчевски не влијае кои судии ќе постапуваат по предметите на СЈО

Добивај вести на Viber

Претседателот на Кривичниот суд, Владимир Панчевски прецизираше дека не врши влијание врз распоредувањето на судии за предмети кои ги води Специјалното јавно обвинителство, односно дека тој нема свои судии и не ги дели на подобни или неподобни. 

Ваков одговор доби Алсат на прашањето упатено до скопска единица – дали првиот човек на судот прави рокади и поставува судии од доверба за предмети на Специјалното јавно обвинителство.

„Неразбирливо е за какви „подобни судии“ прашувате кога сите предмети кои се

водат во судот, без разлика дали се водат по предлог на СЈО или другите две

редовни обвинителства, потоа се преиспитувани од Кривичните совети и повисоките судски инстанци, и поголем број од одлуките на судиите при Кривичниот суд во жалбена постапка се потврдувани. Претседателот на судот нема „свои“ судии, бидејќи сите судии се еднакви, а претседателот е прв меѓу еднаквите кој е задолжен да менаџира со судскиот кадар од аспект на навремено решавање на предметите“, стои во дописот на Кривичниот суд.

Во изминатиот период Панчевски се најде под голем притисок на јавноста најпрво со обвинувањата на општина Центар дека катовите на станбена зграда кои ги кренал како приватна инвестиција се дивоградба, додека пак колегите од судската фела посочија дека врши притисок во Основниот суд и дека не заслужува нов мандат како негов претседател.