Папандреу го моли Обама да ја спаси Грција
Објавено во: Балкан 17 Јануари, 2013
Поранешниот грчки премиер Јоргос Папандреу упати апел до американскиот претседател Барак Обама да ја спаси Грција од економска пропаст и да ја убеди Германија да преземе мерки за запирање на економската криза во Европа.
- За гаранциите да бидат цврсти, потребна е поддршката на најголемата и се уште најдинамичната екоомија во светот. Тука треба да дојде Обама, американскиот претседател може да помогне да се реши европската економска криза со умна економска дипломатија која досега неговата администрација не ја покажа. Обама мора да ја потсети Германија како САД ја помогнаа Германија не само низ Студената војна туку и во бурната деценија по падот на Берлинскиот ѕид и падот на комунизмот. Обама мора да ја убеди Ангела Меркел да направи се што е потребно за Европа да профункционира, и да и ја гарантира помошта на американскиот народ. Тимот на Обама ги повика Европјаните да преземат решителни чекори, од финансирање на инфраструктурата до преземање на долговите на заедничко ниво, за да се врати растот во потонатите европски стопанства. Европските лидери ги одбија овие предлози. Ние не бараме за милостина. Освен крај на неизвесноста, на Грција, која се менува и има голем потенцијал, и се потребни инвестиции, пишува Папандреу во текст објавен во списанието Форин Полиси, за вториот мандат на Обама.
Во овој текст поранешниот грчки премиер вели дека Грција долго време ја следела “европската доктрина на сурово кратење на расходите”, но дека тоа сепак не ги убедило меѓународните финансиски пазари да и веруваат на Грција, поради неизвесноста околу грчкото останување во евро-зоната.
Папандреу повикува на Зелен Маршалов план кој Обама би го претставил при посета на Грција, кој би подразбирал искористување на неодамна откриените резерви на природен гас на дното на Средоземно Море, и енергетско поврзување на Блискиот Исток, Средоземјето и Европа. Папандреу до неодамна беше вонреден професор на престижниот американски универзитет Харвард, каде предаваше за европската криза и кризата на демократијата.
Можеби ќе ве интересира
(ВИДЕО) ВИДЕОТО СТАНА ХИТ: Телохранителот му даде чешел на Ердоган
ТОМА ФИЛА ЗА ДАНКА: Добро би било да го најдат детето, но не верувам дека тоа ќе се случи
ПИЛИ, НОЖЕВИ, ЛОПАТИ... Од куќата на убиецот Данка Илиќ одземени се десетици предмети: Сите испратени на вештачење, а ова е детален список за тоа што зела полицијата
НА ПАЗАРИТЕ ВО СОСЕДСТВОТО ОТКРИЕНА ЛАЖНА „ПЛАЗМА“: Разбиен огромен синџир на продажба на фалсификувани производи
РЕЗОЛУЦИЈАТА ЗА СРЕБРЕНИЦА ГО „ТРЕСЕ“ БАЛКАНОТ - наместо да го помири регионот како што предлагаа клучни спонзори од Западот
ПЛАТА 120.000, А НЕ ВИ ТРЕБА ФАКУЛТЕТ! Младите се почесто отвораат сопствен бизнис во оваа област, а работници нема доволно во Србија
СРБИН МОЛИ ПУТИН ДА МУ ПОМОГНЕ: Се борел во Украина, а не добил руско државјанство
УПАТЕНИ НА ПСИХИЈАТАР ВО БЕЛГРАД: Убијците на Данка одат на вештачење
МАКЕДОНЦИТЕ ПОЧНАА МАСОВНО ДА ОДАТ ВО ГРЦИЈА: Еве ги цените во предсезоната
