ПЕСОЧНА БУРА: Затворени автопати и хаос
Објавено во: Свет 01 Мај, 2018
Песочна бура зафати делови од Египет поради што се затворени автопатиштата во јужните провинции. Песочната бура се појави по обилните дождови во Каиро и другите делови на Египет.
Песокот и прашината ја ограничуваат видливоста, а според прогнозите слични временски услови ќе има до четврток.
Минатонеделните обилни дождови предизвикаа поплави во Каиро и други делови на Египет, при што под вода беа патиштата и новоизграденото зелено источно предградие на главниот град.
Поради надојдената вода се затворени дел од автопатиштата кои го поврзуваат Каиро со провинциите. Поплавите предизвикаа материјална штета, а голем број луѓе останаа заробени во своите возила. Полицијата спаси 24 студенти од автобус во близина на Каиро.