Петтиот пакет економски мерки на „аминување“ пред министрите: 30 мерки во 4 столба
Објавено во: Економија 16 Февруари, 2021
Петтиот пакет мерки чека усвојување од министрите. Денеска на владиа седница се очекува да помине пакетот мерки кој преку 30 мерки во четири столба би требало да им помогне на компании и граѓани погодени од пандемијата.
Викендов , беше презентиран финалниот предлог на Петтиот пакет економски мерки за справување со кризата предизвикана од коронавирусот Ковид-19, пред претставници на коморите,членки на Платформата за јавно-приватен дијалог и билатералните комори во земјата.Според надлежните, мерките би требало максимално да одговорат на барањата на стопанството и граѓаните а истите се креирани да бидат и лесно применливи.
Првиот човек на Владата вчера соопшти дека се финиализираат последните консултации за да овој пакет добие зелено светло и биде усвоен на владина седница денеска.
„При самиот крај сме и јас како претседател на Владата верувам дека ќе бидеме подготвени да ја усвоиме комплетната информација со мерките, да може да се соопштат и презентиарат и веднаш да влеземе во подготовка на правно формалните аспекти, законите, уредбите, одлуките за нивно спроведување“, посочи премиерот Заев.
Што содржи петтиот пакет мерки: Нови 30 мерки, минимални плати, бескаматни кредити...читајте детали овде.