ПИЛОТ СТУДИИ: Ќе им се дозволи на 5.000 луѓе да пушат канабис
Објавено во: Свет 28 Февруари, 2019
Швајцарската Влада денеска информираше дека може ќе им дозволи на 5.000 луѓе легално да пушат марихуана.
Ова ќе биде дел од пилот-студиите кои ќе помогнат да се формулираат нови правила за рекреативната употреба на марихуаната.
Планот ќе биде отворен за коментари на јавноста до средината на годината, соопшти Федералната здравствена канцеларија.
Државата веќе дозволува употреба на производи од канабис со помалку од еден процент на психоактивната супстанција ТХЦ.
Се смета дека околу 200.000 луѓе во Швајцарија користат нелегален канабис.
„Градовите укажуваат на негативните ефекти од сегашните закони, нелегалната трговија на јавни места се повеќе им пречи на луѓето и поради која се чувствуваат несигурно и намалените напори во борбата против трговијата со дрога во урбаните области“, се додава во соопштението.
Швајцарската влада воведе закони за забрана на канабис уште во 1951 година. Сега, владата предложи ограничени пилот-проекти кои може да доведат до промени во законите за забрана на канабисот.
Неколку американски држави ги олеснија ограничувањата врзани со конзумацијата на марихуаната. Во Европа канабисот е декриминализиран во Португалија и Чешка, а Луксембург ја разгледува легализацијата.