ПЛАТЕЖНИ КАРТИЧКИ НЕ ДОБИЈА СИТЕ СТУДЕНТИ: Вчера истече последниот рок
Објавено во: Економија 25 Јули, 2020
Голем дел од
младите до 29 години не ја добија најавената владина помош во износ од 3.000
денари преку домашната платежна картичка. Многубројни се оние кои и покрај тоа
што ги исполнуваат сите услови, не беа на списокот за доделување платежна
картичка. Во текот на изминатиот период, беа поднесени дури 30.000 приговори, од
кои беа прифатени само 4.052. Рокот истече заклучно со 24.јули, па оние
студенти кои не ја добија најавената парична помош од Владата, останаа со низа
прашања зошто се дискриминирани во однос на другите кои беа на списоците.
-Каде се досега не се обратив. Ќерка ми ги исполнува сите услови за оваа ветена помош. Но, еве ја нема на списокот. Навистина не ми е јасно зошто некои ги добија платежните картички, а зошто за останатите нема, и онака беше најавено дека по 3.000 денари ќе добијат сите студенти, вели за Фактор, мајка на студентка на Филолошкиот факултет во Скопје.
Инаку, владината помош од 3.000 денари преку платежна картичка е дел од третиот сет економски мерки кои беа директно наменети за граѓаните и компаниите во периодот на кризата со крона вирусот во Македонија.
А.Б.