Пломп: На претставниците на Владата јас често им велам: помогнете ни за и ние да ви помогнеме

Добивај вести на Viber

Има многу поголемо чувство на итност кога станува збор за интеграцијата на Македонија во НАТО и ЕУ, изјави холандскиот амбасадор Ваутер Пломп, во неделното интервју на Радио Слободна Европа.

„Мислам дека е многу важно тоа да биде врвен приоритет на новата влада, a сега многу повеќе отколку во минатото, исто така да биде врвен приоритет и за самите институции, бидејќи Западниот Балкан и Македонија добија повеќе приоритет во последно време. Зборувајќи за евроинтегративниот процес, сметам дека е важно да се споменат две работи. Прво, сите реформи кои се потребни за прием во ЕУ не треба да се спроведат примарно заради Унијата, туку заради доброто на самите граѓани. Многу е важно да се има ова предвид. И второ, се работи за двонасочен процес. На состаноците со претставниците на Владата јас често им велам: помогнете ни за и ние да ви помогнеме“ - рече Пломп. 

Тој вели дека со изборот на новата Влада, ќе се отвораат нови можности. Сепак, Македонија и Грција се тие што треба да најдат решение за спорот за името, а меѓународната заедница има интерес да помогне, додава Пломп. 

Смета дека Македонија има многу пријатели вклучувајќи и земји членки на ЕУ и сите според него се многу посветени да ѝ помогнат на Македонија на патот кон прием.