По осум години Водовод набави нова специјализирана механизација за 30 милиони денари
Објавено во: Мои пари 17 Декември, 2019
Генералниот директор на ЈП Водовод и Канализација – Скопје Душко Весковски заедно со градоначалникот на град Скопје Петре Шилегов, во просториите на Сервисниот Центар Бутел, ја промовираше обновената механизација за потребите на претпријатието.
Обновувањето на механизацијата е од особено значење, првенствено за подобрување и унапредување на работниот оперативен процес, но и за подобрување на условите за живот на граѓаните, како и за грижата за животната средина.
„Во оваа фаза беше опфатена набавка на две нови цистерни под притисок со волумен од 4м3, две цистерни под вакуум со волумен од 4м3, како и специјализирано мерно комбе возило за испитување на дефекти на водоводната мрежа. Вкупната инвестиција за обнова на механизацијата изнесува околу 30 милиони денари“, соопштија од ЈП Водовод.
Од таму посочуваат дека ова е прва набавка на ваков тип на возила од 2011-та година до денес и во овој момент претпријатието располага со 10 цистерни под притисок и 10 цистерни под вакуум.
Цистерните под притисок се употребуваат во процесот на одзатнување на канализациските цефки од различни профили користејќи вода под притисок, додека пак цистерните под вакуум се употребуваат за црпење на вода при поправки на водоводни дефекти, за црпење на отпадна вода како и за чистење на сливници.
Специјализираното мерно комбе возило е со вградена опрема и опрема за третирање на загуби на вода според најновите стандарди, со што се овозможува детектирање на дефекти, нивно полесно и побрзо лоцирање како и намалување на загубите на вода.
Новите возила со кои е обновена механизацијата на ЈП Водовод и Канализација – Скопје се опремени со најновите еко мотори со емисија на издувни гасови според стандардот Еуро 6, кој се карактеризира со 96% намалена емисија на честички кои делуваат на аерозагадувањето.
Можеби ќе ве интересира
БИМИЛК во Битола го носи д-р Ранко Рајовиќ за да го одбележи Светскиот ден на семејството
Караванот „Не е до нив, до тебе е“ денеска патува до својата крајна станица – Drunken Monkeys
АПРИЛ ВОЗБУДЛИВ ЗА ИГРАЧИТЕ НА ВЛТ: ВИДЕОЛОТАРИЈА КАСИНОС АВСТРИЈА ИМ ИСПЛАТИ НА ИГРАЧИТЕ ФАНТАСТИЧНИ 46.238.549 ДЕНАРИ
Регионална кампања „Вистината е важна“ за опасностите кои ги носат дезинформациите и говорот на омраза
Дали се сеќавате на оваа игра? Би ја играле и денес?
Осум каратисти на „Макпетрол“ ќе учествуваат на Европскиот Шампионат во Хрватска
Посакувам да бидеме дел од трите регионални финалисти на „Рамка за помош“ на НЛБ Групацијата и токму нашиот проект да стане реалност: Сашко Јованов од Здружението за поддршка и развој „Хуманост“
Мило ми е што НЛБ ја препознаа и поддржаа нашата идеја, средствата ќе бидат наменети во нудење и промоција на бесплатна хипотерапијата низ цела држава: Мариа Дуда за „Кантрисајт Ретрит“
Со нашиот проект „Заедно во инклузивна заедница“ заслужуваме титула регионален победник на „Рамката за помош“ за 2024 на НЛБ Групацијата: Александар Стојановски - Здружение Во Мојот Свет
