Почина претседателот на Тунис: Причината за смртта не е објавена
Објавено во: Свет 25 Јули, 2019
Претседателот на Тунис, Бежи Каид Есебси почина денеска, соопшти претседателството на земјата, а објави
Ројтерс.
Медиумите во земјата објавија дека денеска Есебси бил примен во воената болница, по трет пат во изминатите неколку недели..
Во извештаите се наведува дека деведесет и две годишниот Есебси бил примен во болница поради медицински причини, но не е наведено поради што точно.
Есебси е првиот демократски избран претседател на Тунис. Тој победи на изборите во 2014 година, по бунтот познат како „Арапска пролет“.
Тој неодамна објави дека нема да се кандидира за изборите во ноември, велејќи дека земјата треба да биде предводена од некој помлад.
Есебси беше хоспитализиран двапати во јуни, а неговата канцеларија во понеделникот објави видео од неговиот состанок со министерот за одбрана, кој покажа дека претседателот е видливо слаб.