ПОЧНУВА НОВА ЕРА: Овие производи одат во историјата
Објавено во: Свет 08 Јуни, 2018
Шведскиот малопродажен гигант Икеа најави дека до 2020 година ќе престане да продава пластични производи за еднократна употреба, пренесуваат британските медиуми.
Продажбата ќе биде запрена во сите продавници на Икеа, ширум светот , а од шведската компанија додаваат дека во иднина ќе креираат производи кои ќе можат да ги преправат, препродаваат и рециклираат, пренесува Seebiz.
Потегот на шведската компанија се надоврзува на најавата на Европската унија дека ќе забрани пластични производи како цевки, држачи на балони , хигиенски стапчиња и слично.
Најновото запирање на продажбата на пластични производи за еднократна употреба е составен дел од плановите на Икеа во иднина во производството да користи исклучиво обновливи материјали како и оние кои можат да се рециклираат.
Исто така сакаат до 2025 целосно да ја елиминираат емисијата на штетни гасови.