Полицијата затвори четири приватни болници во Приштина поради тргување со човечки органи

Добивај вести на Viber

Поради сомневање за нелегална трговија со човечки органи, косовската инспекција затвори четири приватни приштински болници. Против 17 здравствени работници и вработени се поднесени кривични пријави и сите овие случаи се сеуште во истражна постапка.

Нора Красниќи, главен здравствен инспектор на косовското Министерство за здравство, рече дека при увидот во овие приватни болници утврдено е дека биле вклучени во нелегални активности. Замрзнати човечки клетки биле префрлени на Одделот за гинекологија, Универзитетскиот клинички центар на Косово, со цел да се сочуваат.

Здравствен инспекторат, заедно со косовската полиција, изврши увид во некои приватни болници кои имаат дозвола за давање услуги во областа на медицинските оплодување.

Целта на инспекциите беше да се контролира спроведувањето на Законот за репродуктивно здравје. По тој повод, пишува Газета Експрес Приштина, идентификувани се некои повреди на Законот за репродуктивно здравје, по што Инспекторатот за здравство изрекол мерка за привремена суспензија на активностите на овие институции, рече Красниќи.

Во меѓувреме, косовската полиција применува одредени мерки за здравствените работници во овие болници во согласност со законските одредби на полицијата. Баки Келани, портпарол на косовската полиција, рече дека Министерството за трговија со човечки органи за време на инспекцијата во наведените болници најде серија криминални активности, нелегалната трансплантација и трговија со човечки органи и клетки.

Поради оваа причина, додаде тој, 17 лица беа уапсени, вклучително, и странски државјани.