Посветеност на вработените во клучни предизвици: СН Осигурителен брокер на тим билдинг
Објавено во: Економија 17 Септември, 2020
Во услови на големи предизвици за економијата и за компаниите, клучен момент е односот кон вработените. Во време кога се води битка за секое работно место, сепак важно е да се знае дека вработените се столб на една фирма. Дел од домашните компании имаат начини и успеаваат да се грижат за своите луѓе. На посебен тим билдинг кој траел три дена СН Осигурителен брокер АД Битола потврдува дека фокусот се мотивацијата на нејзиниот тим и градењето на човечките ресурси и професионалните капацитети.
Оттаму велат дека мотивацијата е една од клучните алатки за градење силен и инспириран тим и дека само со енергија, инспирација и креативност, мотивацијата го поставува тимот на ниво, каде успехот е неизбежен.
„Се мотивиравме од најдобрите. Со д-р Жарко Костиќ само потврдивме дека ако ја развиваме и градиме мотивацијата можеме да бидеме најдобри. Најдобри во сопствениот професионален развој, најдобри во квалитетот кој што им го нудиме на нашите клиенти, велат од компанијата.
Тим билдингот бил посветен на идните проекти, развојот, за успесите и целите кон кои се стремат. Тим билдингот бил на Охридско езеро, на патот за Св. Наум, местото на вечниот извор на енергијата, креацијата, инспирацијата.
„Вработените, тимот на СН Осигурителен брокер АД Битола, сите бевме таму, од петокот до неделата, стопроцентно подготвени да усвојуваме нови знаења и вештини, но и да се запознаеме подобро меѓу себе и со секој чекор да стануваме се подобар тим, тим со подготвеност за поддршка едни на други и тим со безрезервна меѓусебна доверба, соопштија од СН Осигурителен брокер.
Во следниот период ќе бидат посветени на новите предизвици и на своите клиенти.