Потврден трагичниот крај - Извлечени телата на младите планинари
Објавено во: Македонија 11 Февруари, 2018
Телата на двајцата планинари се извлечени и од врвот на Кајмакчалан се носат кон скијачкиот центар каде што доктори ќе треба да констатираат дека момчето и девојката се мртви, дознава МИА од грчката противпожарна служба. Трагичната смрт најверојатно настанала по пад во бездна.
Според МИА, тие биле во група од околу 50ина луѓе во областа Агиос Атанасиос, по што во одреден момент се разделиле од групата и најверојатно се изгубиле.
Неуспешната потрага по нив траела долго. Потрагата започнала вчера некаде околу 14:30 часот кога грчката противпожарна служба добила повик по што е започната потрагата. Доцна во ноќта тие биле лоцирани во непрооден дел и не давале знаци на живот. Потрагата продолжила и денес со извлекување на телата на планинарите.