Повисоки плати, вети Царовска
Објавено во: Економија 27 Јуни, 2020
Ветување за повисоки плати даде СДСМ.
Носителката на листа на пратеници на СДСМ во првата изборна единица, Мила Царовска синоќа на трибина во Аеродром изјави дека изминатите три години се направени клучни реформски процеси.
„Не запираме тука, туку продолжуваме со реформските процеси. Минималната плата во следниот мандат ќе ја зголемиме до 40 отсто, а просечната до 30 отсто. Не ги забораваме и највозрасните. Новото ниво на минимална пензија ќе изнесува 10.700 денари“, вети Царовска.
Изборите ќе се одржат на 15 јули.Што се однесува до платите, неодамна статистиката покажа дека во април македонските граѓани во просек земале околку 26.000 нето плати.