Пратеници на ВМРО-ДПМНЕ ги поддржуваат Реформаторите
Објавено во: Македонија 23 Јули, 2017
Груевски нема целосна поддршка дури и од неговите пратеници. Според реформаторите кои го покренаа Републичкиот штаб за промени во ВМРО-ДПМНЕ има повеќе пратеници кои има даваат целосна поддршка во активностите за враќање на внатрепартиската демократија.
- Ако сега излеземе со име, кои пратеници нè поддржуваат, убедени сме дека ќе бидат изложени на притисок да се повлечат од пратеничката функција. Затоа, во овој момент, нема да ги кажеме. А, има многу, многу ги има. откри Михајловски на трибината „Без табу теми!“, која се одржа на иницијатива на ЦИВИЛ – Центар за слобода.
Петар Богојески, еден од реформистите на ВМРО-ДПМНЕ зборуваше отворено за „системот на меници“ со којшто, како што тврди, партиското раководство ги држи со години под контрола пратениците, советниците, градоначалниците и сите партиски функционери.
- Тие се принудуваат да воспостават незаконски облигации, на коишто во иднина ќе бидат обврзани под потенцијален страв, да изгубат дел или целиот свој имот, да биде извршен тој имот, поради нивна некаква непослушност. Па, тие се чувствуваат ограничено да дејствуваат самостојно, самоиницијативно, авторитативно, повикувајќи се на својот авторитет и интегритет и на моменти да предлагаат различни мислења од оние на лидерот, на дел од раководството па и на телата во партијата
- обзнани Богојески на трибината.