Предлогот што го одбиле државниот врв и Пендаровски од ЕУ, го прифатиле Норвешка, Британија, Лихтенштајн и Исланд

Добивај вести на Viber

Предлогот кој претседателот Стево Пендаровски и македонскиот државен врв пред една година го одбиле од ЕУ за членство во Европската економска зона и натаму ја бранува јавноста и создава поделени мислења.

Кабинетот на претседателот Стево Пендаровски, по реакцијата на опозицијата на неговата изјава дека била одбиена понудата од ЕУ како алтернатива за недоделената одлука за преговори, денеска објави дека и лидерот на ВМРО-ДПМНЕ, Христијан Мицкоски, лани бил против таа идеја на лидерската средба.

Европската екононска зона е формирана во 1994 година. Во неа членуваат сите држави од ЕУ, трите членки на ЕФТА Исланд, Лихтенштајн и Норвешка како и Велика Британија, но и Швајцарија со специјални договори). Зоната овозможува слободен европски пазар, размена на работна сила, слободен транспорт на стоки, услуги и капитал - водејќи се од европската легислатива која важи подеднакво за сите земји.

Поранешниот пратеник на ВМРО-ДПМНЕ, Илија Димовски, денеска на социјалните мрежи напиша дека за оваа понуда требало да се расправа во Собранието, а не да се носат одлуки зад затворени врати.

Претседателот Пендаровски вечерва ќе ја објаснува оваа одлука во дневникот на ТВ Сител. Шефот на државата веќе рече дека стратешки тоа е недопустливо, бидејќи ќе значи дека Македонија се откажува од полноправно членство.