Прилеп-Градско го чека новиот тендер

Добивај вести на Viber

Експресниот пат Прилеп-Градско, што е капитален проект доцни со реализацијата. Тендерот за уште околу 70 отсто од изградбата на патот  ќе  биде распишан дури во почетокот на јуни и покрај тоа што Владата го раскина договорот со компанијата „Рубауи“, а ветувањата беа дека во првите месеци од 2020 година ќе има распишување на тендерот. Според Јавното претпријатие за државни патишта за доцнењето е винавна минатата Влада и компанијата „Рубау“ која претходно беше ангажирана за изградба на делницата Фариш-Дреново.

Директорот на ЈП-државни патишта вели дека е подобро е да се проектираат некој месец повеќе, да биде добро проектирано за да може брзо да се гради. Тој нагласува дека сега се реконструираат 10 км од постоeчкиот пат Прилеп-Градско, од Дреново до Фариш и се очекува до 20 мај да заврши поставувањето на поставување на нов асфалт.

-Исто така ќе биде распишан тендер за многу брзо време за патот од Фариш до Прилеп, на тие 19 километри, односно делот на трите ленти, и паралелно на тоа исто така ќе биде распишан тендер, обезбедени се ИПА средства, за тие 4 километри односно каде што треба да се направи проширување на двете ленти, така да се она што во изминатиот период сме го зацртале како програма, ќе се реализира. Јас сум исклучително задоволен, изјави министерот за транспорт и врски Горан Сугарески.