Продолжува ловот на Зврлевски во Собрание
Објавено во: Македонија 09 Август, 2017
По еден ден пауза денес продолжува расправата за разрешување на Зврлевски, па пратениците ќе продолжат да го „ловат“ јавниот обвинител кој се чини дека има статус на „бела мечка“ заштитена од опозицијата.
Оваа точка беше ставена на дневен ред во почетокот на минатиот месец по иницијатива на Владата. Претседателот на Собранието Талат Џафери продолжението на шестата седница го закажа во понеделникот, ден откако ги распиша локалните избори, кои треба да се одржат на 15 октомври годинава.
Пратениците на ВМРО-ДПМНЕ и натаму наоѓаат успешни начини да ги блокираат седниците за разрешување на Зврлевски чија смена се најавува со месеци, па дури и Собранието ќе го одложи годишниот одмор за да се заврши со оваа постапка.