Протести на корисниците на инвалидски пензии во Грција
Објавено во: Балкан, Економија 23 Октомври, 2012
И грчките корисници на инвалидски пензии и додатоци, денеска излегуваат на протест низ улиците на Грција поради, како што велат, страшните кратења на нивните примања од страна на државата.
Претседателот на националната конфедерација на инвалидите Јанис Вардакастанис изјави дека протести ќе се одржат во 37 градови на земјата. Во грчката престолнина пак е планирано да се одржи митинг пред канцеларијата на државниот Фонд за пензиско осигурување (ИКА) и митинг до Министерството за труд, пренесуваат грчките медиуми.