Ранетите политичари во Кичево стабилни, пукањето нема партиски мотиви
Објавено во: Македонија 28 Септември, 2017
Во вооружениот инцидент што вчера се случи во Кичево ранети се вкупно тројца, меѓу кои и носителот на независна листа за советници во општината, Алит Абази. Причината за пукањето се меѓусебни недоразбирање, а не од политичка или партиска нетрпеливост, барем засега такви се првичните информации.
Алит Абази, носителот на независна советничка листа предложена од група избирачи во Кичево, кој што вчера беше ранет се наоѓа на операција со тешки повреди на абдоменот и рбетот, информираат за тв 24 од ургентниот центар во Скопје.
Оттаму велат дека Абази пред операцијата бил во стабилна состојба, очекуваат зафатот да потрае , а за исходот ќе информираат утре.
Напаѓачот, кратко по инцидентот бил приведен од полицијата, а било обезбедно и оружјето од кое било пукано.
Шефот на изборен штаб, Дестан Абдиу кој што беше застрелан во бутот на десната нога и е хоспитализиран во Клиничкиот центар е во стабилна состојба. На трето поврденото лице, Шабан Далипи му бил укажана помош во болницата во Кичево.
Полицијата го приведе напаѓачот Абдула Абдули што пукаше во трите лица.