Расте невработеноста во Србија, лани се поделиле над 100 илјади откази

Добивај вести на Viber

Во Србија минатата година се затворени 103.917 работни места, покажало истражувањето спроведено од страна на Националната агенција за вработување и УСАИД. „Врз основа на анкета на работодавачите се проценува дека во последната година се укинати  5,42% од работните места. Најмногу откази притоа се поделени во Војводина, потоа во Белград, во Шумадија и западна Србија, а најмалку во јужна и источна Србија", рече Михаил Арандаренко од  Економскиот Факултет. Гледано по дејности, најголемиот дел од отпуштените работници се од производствениот сектор. Таму станале невработени дури 32.222 работници, 22.275 во трговијата, 14.907 во градежништвото, во администрација- здравство и образование 13.712 итн. Инаку истражувањето покажало и дека најлесно добиваат откази  оние работниците со  пониски квалификации и послабо образование. „Денес во ниту еден сектор не цветаат рози и речиси сите во последните четири години, откако почна економската криза, бележат загуби. Од тогаш, според податоците од Европската унија, без работа останале речиси 300.000 вработени, но и уште најмалку 100.000 од оние кои работеле на црно. Огласите за новите вработувања се симболични и речиси во ниту еден сектор нема нови работни места“, изјави Ивицаа Ветановиќ, претседател на Конфедерацијата на слободни и независни синдикати.