Расте вредноста на еврото во однос на доларот
Објавено во: Економија 16 Декември, 2020
Еврото скокна во однос на доларот. Курсот на еврото во однос на доларот не бил повисок уште од 2018 година.
Состојбата е наметната поради влијание на силните индикатори на еврозоната и надежите на инвеститорите за напредок во трговските преговори меѓу Велика Британија и Европската унија. Курсот на еврото денеска на меѓународните пазари надмина 1,22 долари за прв пат од април 2018 година. Kурсот на еврото околу пладне беше 1,2197 американски долари, што значи дека валутата зајакнала 0,35 проценти од претходното затворање. Вредноста на еврото расте од мај, кога Европската унија објави формирање фонд за закрепнување на нејзината економија од пандемијата на коронавирусот. Оттогаш вредноста на еврото порасна за скоро 13 проценти.