Раздвојувањето на сопственоста во ГА-МА се водеше со медијација на Енергетската заедница: Кои се игрите во процесот?

Добивај вести на Viber

Прашањето предизвика своевидни тензии во Собранието, но остана нејасно зошто опозицијата одлучи да реагира кога самата Енергетската заедница беше и медијатор во решавањето на спорот меѓу Владата и Макпетрол околу ГА-МА. По завршувањето на процесот Владата требаше да му даде на Макпетрол 32 милиони евра, пари со кои требаше да го откупи делот но процесот е стопиран поради собраниската блокада. 

Неколку пати од Енергетската заедница апелираа ова да се заврши што поскоро.Се најавуваа дури и санкции за Македонија. 

Директорот на Секретаријатот на Енергетската заедница Јанез Копач некокупати потенцираше дека нераздвоенииот и несертифициран оператор на системот за пренос на гас во државата е суштинско прашање кое ја доведува во опасност навремената изградба на гасниот интерконектор со Грција.

„Посуштинско прашање е се уште нераздвоениот и несертифициран оператор на системот за пренос на гас. Додека реформите во секторот електрична енергија се напреднати, нерешениот спор поврзан со сопственоста на операторот на системот за пренос ГА-МА продолжува да ја кочи реформата на секторот за гас. Ова спречува раздвојување на преносниот оператор и ја доведува во опасност навремената изградба на гасниот интерконектор со Грција. Решавањето на спорот со Макпетрол и преземање сопственост и контрола од страна на државата во ГА-МА е предуслов за раздвојување и сертифицирање на операторот за гас во согласност со правилата на ЕУ и за финансирање на нов интерконектор со Грција од страна на Европската инвестициска банка (ЕИБ). Спорот помеѓу Владата и Макпетрол беше решен во Центарот за решавање спорови на Енергетската заедница и очекуваме Владата да го спроведе постигнатиот договор што е можно поскоро“, рече Копач во интервју за МИА.

Регулирањето на сопственичките односи во ГА-МА впрочем целосно е во согласност со законот за енергетика и Третиот енергетски пакет кој впрочем беше инкорпориран во Законот, а усогласен како обврска од Енергетската заедница. 

ВМРО-ДПМНЕ  ја обвинува власта дека сака на мала врата без доволно информации и консултација со јавноста да се изгласа законот со кој ќе му се признае на „Макпетрол" сопственост од 50 отсто во гасоводот и истиот да му се плати по според нив нереално висока цена од 32 милиони евра иако вредноста на влогот на Макпетрол бил 18,8 милиони евра. Ова нивно тврдење не доби целосно образложение.