Реформаторите на 17 месецов ќе излезат со став за Конгресот на ВМРО-ДПМНЕ
Објавено во: Македонија 08 Декември, 2017
Внатрепартиската иницијативата за демократизација и модернизација на ВМРО-ДПМНЕ, врз база на вредностите и принципите за кои се залага, започна консултации со сите активисти во ВМРО-ДПМНЕ со цел изградба на обединувачки став за претстојниот Конгрес.
„Во таа насока извршени се консултации со сите заинтересирани кандидати за претседател на ВМРО ДПМНЕ. Во рамки на овие активности, започнати се консултации и со ФРОДЕМ, Форумот на слободоумни патриоти, Судени за Македонија, Унијата на ветерани и сл. Конечниот став за партискиот Конгрес ќе биде утврден и јавно објавен на 17 декември како заклучок на Централниот Штаб на Внатрепартиската иницијатива. Најзначајно за нас е тоа што во сите досегашни консултации, сите учесници ги прифатија принципите кои произлегуваат од Декларацијата за демократизација и модернизација и Декларацијата Европско ВМРО-ДПМНЕ за Европска Македонија“ - информираат реформаторите.