Родителите на децата со посебни потреби ќе протестираат пред три министерства
Објавено во: Македонија 20 Август, 2017
Родителите на децата со посебни потреби организирани во здружението „Сплотени срцa“ велат дека оствариле средби со претставници на министерствата, но ќе протестираат до конечно решавање на проблемите.
Бараат персонални асистенти за децата со посебни потреби, прилагодување на спортските сали, како и стратегија што ќе се случува со децата со посебни потреби , по смртта на родителите.
Се надеваат на поголема ажурност од институциите за решавање на проблемите со кои се соочуваат.
Веќе пет месеци една недела во месецот кампуваат во паркот „Жена -борец“ за да ги алармираат институциите.
Од иницијативата велат дека веќе имале средби со дел од ресорните министерства, но сметаат дека тоа не е доволно, и затоа најавуваат дека ќе протестираат пред трите министерства кои треба да се позанимаваат со нивното прашање, Министерството за образование, Министерство за труд и социјална политика и Министерството за здравство.