Ројтерс: Гутереш ќе биде следниот лидер на ОН

Добивај вести на Viber

Португалскиот кандидат Антонио Гутереш најверојатно ќе биде следниот генерален секретар на ОН, соопшти агенцијата Ројтерс. Претставникот на Русија во ОН, Виталиј Чуркин го прогласи за „јасен фаворит“ на церемонија пред дваесетина минути.

Гутереш не доби ниту една закана за вето од петте земји постојани членки на Советот за безбедност на првото неформално гласање со т. н. „шарени ливчиња“. Според извори на агенцијата Ројтерс „за“ него гласале 13 земји, а две се воздржани.

Членови на Советот за безбедност се Кина, Франција, Русија, Велика Британија и САД (постојани) и Ангола, Египет, Јапонија, Малезија, Нов Зеланд, Сенегал, Шпанија, Украина, Уругвај и Венецуела.

Се очекува официјалниот гласање на Советот да биде утре во 10:00 по локално време во Њујорк (16:00 по македонско). По тоа гласање, треба да се одржи и во 193-членото собрание на ОН.

Гласачките ливчиња на петте земји постојани членки на Советот за безбедност, кои имаат право на вето, се означени со различна боја од оној на гласовите на непостојани 10 без тоа право.

Прагот на шансата за успех е собирање на 9 гласа „за“ и ниту еден глас против од САД, Русија, Велика Британија, Франција и Кина, кои можат при финалното гласање да стават вето.

На последното гласање со безбојни билтени над овој праг беше само Гутереш.