РУСКИ МЕДИУМИ ЌЕ ГО ТУЖАТ МАКРОН: Со што ги навреди?
Објавено во: Свет 05 Мај, 2017
Емануел Макрон, претседателскиот кандидат во Франција кој има реални шанси за победа ќе се соочи со тужби од руски медиуми.
Руската агенција „Спутник“ и телевизијата „Раша Тудеј“ поднеле тужба против него, затоа што ги обвини за ширење лажни вести за некакви оф-шор сметки во странство.
Макрон вчера поднесе тужба против непознат сторител поради тврдењата дека поседува оф-шор банкарска сметка на Бахамите. Пред тоа тој во соопштение ги спомна овие два руски медиуми како одговорни за „активното” ширење на оваа лажна вест изнесена од неговата противкандидатка, Марин Ле Пен, како прашање, а не факт.
Од „Спутник“ велат дека целта е да се поткопа довербата на читателите.
„Спутник“ досега објави две стории со оф-шор тврдења. Првата ги опфати негирањата на Макрон околу наводите, а втората ја пренесе веста за тужбата поднесена од неговата партија. „Спутник“ најави дека ќе побара правен совет заради лажното обвинување од страна на партијата на претседателскиот кандидат .
Шпекулациите за оф-шор сметки на Макрон се шират на социјалните мрежи некое време, иако тој ги негира постојано.
Макрон и Ле Пен в недела ќе се тркаат за претседател во вториот круг, а анкетите покажуваат дека центристичкиот кандидат води значително. Според анкетите, тој ќе има за 20% повеќе гласови од Ле Пен.