РУСКИ СПЕЦИЈАЛЦИ УБИЈА ДВАЈЦА ТЕРОРИСТИ: Какво оружје е најдено кај нив?
Објавено во: Свет 11 Април, 2024
Руските специјалци убија двајца терористи кои планирале напади.
Осомничените пукале врз специјалните сили на Федералната служба за безбедност откако биле блокирани на периферијата на Наљчик, главниот град на Република Кабардино-Балкарија.
Руските специјални сили убиле две лица осомничени за планирање терористички напади, соопшти рускиот Национален антитерористички комитет, а пренесува Москва тајмс.
„На периферијата на Наљчик беше спроведена антитерористичка операција откако беше утврдена локацијата на вооружени мажи што учествуваа во терористички активности. Неутрализирани се двајца милитанти“, се вели во соопштението.
Двајцата милитанти биле членови на банда што е дел од меѓународна терористичка организација. Тие планирале да извршат серија субверзивни и терористички напади во регионот, се додава во соопштението.
„Како одговор на понудата да го положат оружјето и да им се предадат на властите, бандитите отворија оган врз специјалните сили. Координацијата на активностите на силите за ред и мир ја обезбедува оперативниот штаб на Националниот антитерористички комитет“, се наведува во соопштението.Пронајдени се автоматско оружје и муниција. Експерти за бомби од ФСБ ја проверуваат локацијата.
Безбедносните мерки низ Русија се зголемени по терористичкиот напад на 22 март во близина на руската престолнина Москва во кој загинаа 145 луѓе.
Одговорноста за нападот потоа ја презеде разгранок на Исламска држава ИСИС-Х. Сепак, Русија ја обвинуваше Украина за нападот.
Кабардино-Балкарија се наоѓа во регионот на Северен Кавказ каде што исламските екстремисти дејствуваат со децении. По нападот во Москва, руските специјалци апсеа и во Дагестан. Таму приведоа лица во два града кои планирале напади.