САД планира да ги исуши Нијагарините водопади
Објавено во: Свет, Стил 28 Јануари, 2016
Доколку новиот предлог на Њујоршката државна канцеларија за паркови добие „зелено светло“, американската страна од Нијагарините водопади наскоро може да пресуши.
Њујорк ја најави својата намера привремено да ги исуши Американските водопади и Невестинскиот вел – два од трите соседни водопади што се познати под заедничкото име -Нијагарини водопади, за да се извршат поправки на старите мостови што ги поврзуваат различните делови од националниот парк во кој водопадите се наоѓаат.
Бетонските мостови повеќе од сто години на пешаците им нудат пристап до Козјиот остров, а од своето настанување во 1900 година, значително се пропаднати. Беа затворени во 2004 година кога беа поставени два привремени моста над веќе постојните премини.
Според проценки на стручњаците, мостовите се премногу оштетени за да бидат реконструирани, што значи дека ќе мора да бидат заменети во целост. За да бидат сигурни дека новите темели (во сувата средина) се цврсто „усидрени“ во карпата, а старите во целост се отстранети, официјалните претставници наредија сушење на водопадот.