Samsung со неочекуван потег, го сели производството во САД
Објавено во: Економија 08 Март, 2017
Додека многу брендови бегаат од САД поради превисоките цени на фабричко и индустриско производство, Samsung Electronics донесе изненадувачка одлука и реши дел од своите апарати за домаќинство да ги произведува токму на американско тло.
Samsung Electronics планира да инвестира околу 300 милиони долари и да отвори 500 нови работни места. Засега не е утврдено точно каде ќе се гради фабриката на Samsung, но во игра се дури 5 сојузни држави, а подоцна во текот на годината ќе биде донесена одлука.
Инаку Samsung има супер функционално фабрика за производство на процесори во Остин, Тексас каде се планира дополнително да се вложат околу 1 милијарда долари што е и очекувано бидејќи компанијата е се поуспешна во дело на мобилните чипсети.