СДСМ денес ќе бара „СТОП“ за контроверзното панорамско тркало

Добивај вести на Viber

Уште како претходната власт најави дека ќе гради панорамско тркало на граѓаните им се сврте во глава од сумата.

Се држеа прес конференции, се потпишуваа петиции со цел да се запре изградбата наконтроверзниот проект од „Скопје 2014'.

Советничка група на СДСМ според најавите денеска на седница на град Скопје ќе бара да се запре изградбата на тркалото кое го опасно го намалува протокот на вода во Вадар.

Во февруари лани преку онлајн платформата за креирање петиции над 7000 граѓани веќе ги дадоа своите гласови против изградбата на неразумниот градежен проект Панорамско тркало во реката Вардар кој ќе чини околу 20 милиони евра. 

Како подносител на петицијата до Град Скопје тогаш се потпиша Горазд Смилевски и во име на 7.882 потписници на оваа петиција спроведена електронски во периодот од 23.12.2016 до 03.01.2017 година ја достави до град Скопје и во  името на сите загрижени граѓани побара изградбата на овој финансиски бесмислен и за градот и за жителите опасен проект да запре.

Критики за проектот стигнаа од бројни архитекти и експерти кои сметаат дека локацијата воопшто не е погодена за ваква масовна градба која може да го поремети текот на реката Вардар, а исто така има критики и за огромните финансии кои ќе бидат вложени во период кога државата е многу задолжена, а за клучни инфраструктурни проекти во Скопје како на пример подземната сообраќајница сеуште нема средства. 

СДСМ наместо за тркало, парите ќе ги пренамени за намалување на загадувањето

Актуелната владеачка гарнитура која тогаш беше опозиција, најави дека ќе ги пренамени парите за  намалување на загадувањето на воздухот. 

Од партијата на премиерот Зоран Заев сметаат дека е неодговорно да се полнат клиниките со болни деца и граѓани, а на градоначалничкиот состанок да не се донесе ниту една ефективна мерка против загадувањето кое ги гуши Скопјани.