СДСМ: Случајот во Љуботен не е поврзан со пожарите

Добивај вести на Viber

Од СДСМ бараат ВМРО-ДПМНЕ да престане неосновано да шири паника, а случајот во Љуботен велат не е поврзан со пожарите. 

Објаснуваат дека институциите активно работат на терен. СДСМ информира дека се преземени се сите неопходни мерки за локализирање и гаснење на пожарите, како и превенција од нивна повторна појава.
 
„Во недостиг од идеи и без капацитет да ја надмине матрицата на криминалниот врв, ВМРО-ДПМНЕ очајнички се обидува да шири паника помеѓу граѓаните, целосно неосновано, без аргументи и со измислување на настани што немаат никаква врска со реалноста. Согласно информациите на државните институции, случајот во Љуботен не е поврзан со пожарите. Ваквото несериозно и неодговорно однесување на ВМРО-ДПМНЕ е скандалозно и нечесно кон граѓаните и државата. Надлежните институции заедно со сите ангажирани лица на терен прават се за нормализирање на состојбата и санирање на штетите од пожарите, за коишто, за дел од нив, постојат индиции дека се подметнати“- се вели во партиското соопштение.

Од СДСМ велат дека ВМРО-ДПМНЕ треба да ја надмине идејата за личен и партиски профит на која одамна е навикнато, да почне да се однесува сериозно и одговорно и да престане неосновано да шири паника.