СЕ Е ВО РАЦЕТЕ НА ИВАНОВ: Евроцинизмот е погубен, санкциите речиси извесни!

Добивај вести на Viber

Замрзнување на ЕУ средствата, прекинување на кредитирањето од Светска банка и ММФ би биле првични „меки“ санкции со кои Македонија би можела да се соочи доколку претседателот Ѓорѓе Иванов продолжи да ги игнорираа апелите од Брисел и Вашингтон кои побараа да ги почитува изборните резултати и да го довери мандатот на партијата кој има обезбедено мнозинство за формирање на Влада, брифираат дипломатски извори за Фактор.  

Претседателот со поддршка од лидерот на ВМРО ДПМНЕ, Никола Груевски  ризикуваат да ја втурнат земјата во криза со несогледливи последици и токму затоа  меѓународната заедница се обидува  да го разубеди Иванов да ја  преиспита својата одлука.  Во таа насока е доаѓањето  на претседателот на Европскиот совет Доналд Туск во Скопје, објаснуваат дипломатски извори .  

„Влошувањето на политичкиот амбиент е една од причините поради кои, за жал,  Брисел ќе биде принуден да корсти и  евентуално дополнителни непопуларни мерки ако  Иванов и по тет а тет разговорите со Туск  не  го даде мандат за формирање Влада. Таргет  ќе бидат пред сè поединци за кои ќе се процени дека се извор на дестаблизација  и уривање на демократските вредности. Покрај меѓународните санкци земјата може да се соочи и со губење на препораката за почеток на преговори со ЕУ. 

Никола Груевски нема друг избор освен мирно примопредавање на власт, во спротивно Македонија може меѓународно да биде изолирана“, велат дипломатски извори одговарајќи на прашањето на Фактор дали е можен мирен трансфер на власта ?

Со посетата на претседателот на Европскиот совет, Брисел сака да покаже дека клучните европски  авторитети како Могерини, Туск, Хан  како и најголемиот дел од европските пратеници се на иста линија.

Оттука се заклучува дека евентуалната мерка на ЕУ за замрзнување на средствата е сериозна санкција, финансиски укор со исклучителна политичка тежина. Санкциите не смеат да бидат ниту потценети, ниту погрешно интерпретирани. Колку и да се оценува улогата на ЕУ во решавањето на кризата во Македонија како анемична, патоказот за развој на земјата поддржан со значителна финансиска помош веќе две децении доаѓа од ЕУ.  Евроскептицизам и евроцинизам во услови во какви се наоѓа Македонија е погубен и за сегашноста и за перспективите на идните генерации.

Горазд Чомовски