Се гради патот кон езерото Мантово
Објавено во: Македонија 20 Април, 2013
Започна да се гради патот кон езерото Мантово, кој ќе го поврзе Штип со Општина Конче, но и со најблиската акумулација. Делницата е долга 4.5 километри
Според новиот градоначалник на Штип, Илчо Захариев како еден од најзначајните локални патишта што ќе поврзува две општини, тоа е патот од 20-ти километар, до браната Мантово.
„Понатаму си го презема Општина Конче, со што Конче и Штип ќе бидат поврзани со убав пат. Штипјани од 1 јуни ќе можат често да патуваат до акумулацијата Мантово, едно од најубавите вештачки езера, кое дел се наоѓа и на штипска територија, а за до таму ќе имаат асфалтен пат“, вели Захариев.Изградбата на патот од 20-тиот километар до езерото Мантово чини околу 500.000 евра и се реализира преку Агенцијата за патишта, а е финансиски поддржан преку Европската банка за обнова и развој.