Семејство од Украина се смести во домот на Албарт Хани во Струга
Објавено во: Македонија 20 Март, 2022
Семејство од Украина е сместено во домот на познатиот струшки активист Алберт Хани во Струга.
Локалните медиуми пишуваат дека тој им ги отворил вратите и ги угостил во својот дом.
Руската инвазија на Украина предизвика милиони Украинци да ги напуштат своите домови, главно жени, постари лица и деца. Повеќето од нив заминале во соседните земји како Полска, Молдавија и Романија, но има значителен број што пребегнале во други европски земји, но и на Балканот, пишува VOX Струга.
Инаку како што пишувавме отворена е официјална страница на која бегалците од Украина може да најдат сместување во пријателски семејства во земјите каде наоѓаат мир поради воениот конфликт. На таа страница своите домови за сместување на Украинците бегалци може да им ги понуди секој. Од украинската амбасада во Скопје соопштувајќи за страницата побараа и Македонци да понудат сместување за Украинците кои дојдоа на наша територија.
„Граѓаните на Република Северна Македонија, кои имаат можност да помогнат во сместување на лица од Украина или да ги сместат бесплатно во своите домови - би сакале да ве информираме дека официјалниот ресурс „Прихисток“ работи -
https://prykhystok.in.ua/. На оваа страница можете да објавите информации за населените места, бројот на слободни места и контакти, на кои можете да понудите или да најдете бесплатно сместување, известуваат од амабасадата.