Северна Македонија го подобри своето меѓународно рангирање во буџетска транспарентност
Објавено во: Економија, Мои пари 29 Април, 2020
Во услови на глобална пандемија кога владите во светот се принудени на усвојување на мерки за справување со истата, International Budget Partnership’s (Меѓународното партнерство за буџети-МПБ) илустрира дека четири од пет од 117-те влади кои се предмет на истражувањето не успеале да го постигнат минималниот праг за адекватна буџетска транспарентност и надзор согласно меѓународните стандарди.
СЕВЕРНА МАКЕДОНИЈА направи прогрес во објавување на клучни информации кои може да и помогнат на јавноста да ги разбере буџетските политики, одлучувањето и резултатите според последното МПБ истражување.
Целосните податоци за фискалната транспарентност во 2019 година можете да ги најдете на следниот линкhttps://cea.org.mk/severna-makedonija-go-podobri-svoeto-megunarodno-rangirane-vo-budhetska-transparentnost/
Дополнително, Меѓународното партнерство за буџети за првпат во 2019 го спроведе истражувањето на секторската фискална транспарентност како пилот модули на секторите образование и здравство. Наодите покажуваат дека Северна Македонија може да ја подобри буџетската транспарентност на секторот образование.
Според Марјан Николов, водечки истражувач на МПБ за Северна Македонија: „Вообичаено, плитка е и генеричка објаснувачката рамка за децентрализацијата во буџетите во секторот образование. Само се укажува дека трансферираните надлежности ќе бидат финансирани од блок-дотации во образованието, културата, рана детска заштита и заштита на стари лица. Недостасува соодветен наратив за да се објаснат соодветните буџетски цели во секторот образование кои се сакаат да бидат постигнати со овие блок-дотацции.“
Целосното соопштение можете да го најдете на следниот линк https://cea.org.mk/severna-makedonija-mozhe-da-ja-podobri-budhetskata-transparentnost-na-sektorot-obrazovanie/