Швајцарците од UBS советуваат: Купувајте злато!
Објавено во: Финансии 13 Октомври, 2016
Сега е најсоодветно време за инвестирање во злато. Додека федералните резерви (ФЕД) на САД не се брзаат да ги зголемат основните камати, благородниот метал ќе се претставува добро на пазарот. Тоа го сметаат од инвестицискиот одел на швајцарската банка UBS.
Експертите очекуваат дека цената на златото ќе достигне ниво од 1.350 долари за унца во следната година или за 7% повеќе. Тие потсетуваат дека ова е омилената предност на инвеститорите за време на економски стрес или криза, поради своја безбедност.
Од UBS сметаат дека сеуште е премногу веројатно ФЕД да објави ново зголемување на основната камата во декември. Поради тоа се очекува вредноста на жолтиот метал да падне до 1.225 долари во следните три месеци.
Во моментов тој се тргува по цена од околу 1.257 долари, пишува Business Insider. Прогнозите за периодот по декември се за повеќе од добри перформанси на златото.