СИЛЕН УДАР: БДП во вториот квартал ќе „настрада“ за 15 отсто
Објавено во: Економија 18 Април, 2020
Економијата на земјава најмногу ќе настрада во второто тримесечје.
Статистиките податоци не се објавени, но власта веќе ги претпоставува лошите бројки врз основа на она што го кажуваат компаниите.
Министерката за финансии, Нина Ангеловска смета дека БДП во вториот квартал ќе има сериозен пад од 15 проценти. Според неа пикот на економскиот пад е во април, мај и јуни, а очекува во наредните месеци економијата пополека да закрепнува. Првите два месеца од годинавабиле солидни вели министерката и затоа очекува позитивни економски резултати во првиот квартал.
„Најголемиот удар го очекуваме во вториот квартал. Сега бројките не се официјално објавени, но сите неофицијално ги соопштуваат своите проекции и во која насока се движат истите. Би кажала дека предвидуваме во вториот квартал најголема контракција на економијата со износи од околу 15 проценти. Понатаму веќе, благо опоравување во третиот квартал и позитивен раст во четвртиот квартал“, изјави Нина Ангеловска, министерка за финансии.
ММФ проектираше пад на БДП во земјава од 4 проценти додека Светска банка прогнозира намалување на економската активност во земјава за 0,4 проценти.