СИНДИКАТОТ ДО ГЛАВНИТЕ ВО „БАРГАЛА“ - денеска е последен ден за платата и за заостанатиот дел
Објавено во: Економија 25 Септември, 2020
Сојузот на синдикатите на Македонија го потсетува раководството на Баргала АД Штип дека денес ( 25.09.2020 година) е последен ден за исплата на плата и застанатиот дел од платата утвредено со Спогодбата потпишана на 1 септември 2020 година.
„Доколку раководството не ги преземе сите напори за исплата согласно договореното во Спогодбата, ќе бидеме приморани да ги преземеме сите законски мерки со цел за заштита на економските и социјалните права на своите членови од работниот однос“, истакнува Дарко Димовски, Претседател на ССМ
Со спогодбата беше договорено на работниците да им биде исплаќана редовно платата, а започнувајќи од платата во месец септември, месечно да се исплаќа и разликата на плата која работодавачот не им ја исплатил на работниците за 3 месеци, по 30 отсто, како и разликата на плата од 10 проценти која била помалку исплатена за месец февруари.