Владимир Глигоров: Потребно е „виртуелно“ да се стимулира економската понуда
Објавено во: Економија 13 Април, 2020
Владимир Глигоров од Виенскиот институт за меѓународни економски студии, познат и како син на првиот македонски претседател Киро Глигоров, во денешното интервју за Nova.rs вели дека за време на епидемија императив за државата е да одржува „виртуелна“ деловна економија, со цел да се избегне стечај и ликвидација и да се врати економијата што е можно поскоро на старо.
Глигоров вели дека не се соочуваме со криза и во понудата и побарувачката, туку само во првиот сегмент Оваа ситуација,според него, не треба да се поистоветува со претходните глобални и регионални финансиски кризи кога требало да се стимулира потрошувачката.
„На пример, во ресторан не се оди во моментов, не затоа што има недостаток на пари, туку затоа што постои ризик од инфекција; но ресторанот треба да работи кога ризиците ќе исчезнат. Значи, потребна е политика за одржување на производството и финансиското управување со ресторанот дури и во време на криза. кога тој не работи и тој не заработува пари “, оценува тој.
Според него, потребни се мерки од страната на понудата и производствот, а не од страната на побарувачката, за економијата да се задржи во виртуелна состојба, за бизнисите да работат барем финансиски, за работниците да примаат плата, а централната банка и фискалните власти да помагаат финансиски и фискално.
Тој рече дека најважната работа за Европската унија (ЕУ) е постигнување фискална унија и дека е важно за другите земји дали „ограничувањата на национализмот“ и „неодговорноста на авторитаризмот“ ќе се согледаат во примерот на пандемијата.
„Национално затворање или себичност и авторитарна неодговорност треба да исчезне со епидемијата“, додаде тој.