Сириската војска презеде четири села близу границата со Ирак
Објавено во: Свет 29 Април, 2018
Сириската војска презела неколку села од курдските сили поддржани од Соединетите Американски Држави.
Се работи за села источно од реката Еуфрат во близина на границата со Ирак.
Сириската државна телевизија денеска oбјави дека селата се на територијата врз која курдската милиција ја презема контролата од Исламска држава како дел од кампањата за чистење на источна Сирија од милитантите. Сириската армија ретко се судира со курдската милиција која беше дел од сојузот на сириски демократски сили за време на акцијата против Исламска држава.
Поголемиот дел од провинцијата Деир ел Зор беше под контрола на Исламска држава. Во изминатите години сириската армија ги ослободи областите западно од Еуфрат, додека борците на Сириските демократски сили, кои се поддржани од САД, ги презедоа областите источно од реката.