СЈО бара притвор за Тони Трајковски обвинет во „ТНТ“
Објавено во: Македонија 19 Јули, 2017
Од Специјалното јавно обвинителство на јавна седница во Апелациониот суд побараа притвор за градоначалникот на Гази Баба, Тони Трајковски обвинет во случајот „ТНТ“ за уривање на комплексот „Космос“ на бизнисменот Фијат Цаноски.
Oдбраната на Трајковски бара да му се врати пасошот.
Еден од аргументите на СЈО е тоа што градоначалникот добил три уредни покани за да даде исказ во СЈО, но тој не се појавил.
Градоначалникот бара да му биде вратен пасошот и пред судот изјави дека нема да ја попречува постапката и дека ќе одговара на сите покани. Вели дека имале добра соработка со СЈО, ги дале на увид документите кои се бараат, но не добиле увид во доказите.
Тој се товари за незаконско рушење на станбено - деловниот комплекс „Космос“.
Во „ТНТ“, обвинети се седум лица а меѓу нив е и поранешниот премиер Никола Груевски. СЈО бара мерки за пет лица.