СКАНДАЛИТЕ ВО БЕСА НЕ ЗАПИРААТ: Закани по живот за в.д. претседателот Кахремани
Објавено во: Македонија 09 Јануари, 2018
На движаењето БЕСА му се случуваат невидени скандали и поделби како во ниту една партија досега во Македонија.
Скандалите одат до тој степен што на в.д. претседателот Неџмедин Кахремани му биле упатувани сериозни закани по живот за него и семејството..
„Ги поздравувам сите лица кои ми се закануваат и тие се веќе пријавени во полиција. Со овој случај е запознат министерот за внатрешни работи, Оливер Спасовски, а ќе бидат известени и сите дипломатско-конзуларни претставништва, Амбасадата на САД, Мисијата на ЕУ и на ОБСЕ. Мојата должност на пратеник сум ја прифатил, бидејќи сите точно знаат кој ги доби гласовите во Тетово“, информираше денеска Кахремани во Собранието.
Тој посочи дека во БЕСА со одржувањето на конгресот идниот месец се ќе биде добро и се огради од изјавите дека нема скопски огранок на Беса, туку дека едно е Движењето Беса.
„Освен мојот интелектуален и професионален дигнитет, денес ги претставувам и моите гласачи и затоа ги замолувам сите кои нарачуваат закани не можат да ме спречат да ја вршам должноста чесно и доследно“ – посочува Кахремани.