Добивај вести на Viber
Во постапка со преговарање, без претходно објавување на оглас Владата реши да се рекламира преку маркетинг агенцијата „Маркет визион“. Преку едукативен телевизиски серијал од 10 емисии, Владата сака да го поттикнува претприемништвото и иновациите во земјава.
Според договорот објавен на Бирото за јавни набавки, „Маркет визион“ има на располагање три месеци (до март следната година, за кога се предвидени и локалните избори) за да ги осмисли и сними емисиите, по мерка на Владата.
Во август минатата година Владата основаше и Комитет за претпримеништво и иновации, преку кој планира да ја подобри конкурентноста на македонската економија, како и да ја зголеми вработеноста и економската активност преку развој на претприемачкиот дух, особено кај младите.