Со какви документи си замина СЈО од УБК?

Добивај вести на Viber

Тимот од Специјалното јавно обвинителство денеска ја напушти Управата за безбедност и контраразузнавање, откако одзеде дел од податоците и документите. 

Во писмена форма се добиени книгите во кои се евидентирани сите издадени ПИМ мерки заедно со компјутерските податоци. Останува уште оној дел каде што е потребна асистенција од надворешни експерти, потврдија од СЈО.

За останатите податоци кои во следните денови очекуваат дека ќе ги подигнат, пристап треба да им овозможи претставник на фирмата „Ериксон“, чиј што уред исто така е дел од системот за следење на комуникациите во УБК.

СЈО пред два дена влезе со судски налог во УБК, со цел добивање на  докази за да се утврди кој прислушувал, дали биле тоа странски служби или не. 

Во мегувреме, двајцата вработени од УБК кои единствено имаа пристап до податоците се вратени во Македонија. 

Специјалната јавна обвинителка, Катица Јанева деновиве се пожали дека соработката оди тешко. 

Од СЈО на последната прес-конференицја деновиве кажаа  дека центарот на нивниот интерес се телефонски разговори што се снимани  во периодот од 2008 до 2015 година. Тие се суштински за да може да се открие кој прислушувал и зошто.