СРЕДБА ТРАМП-КИМ: Што ќе јадат, пијат, и кој ќе плати?
Објавено во: Свет 08 Јуни, 2018
Голема фама има во медиумите поради средбата која треба да се случи меѓу американскиот претседател Доналд Трамп и севернокорејскиот лидер, Ким Џонг Ун.
Не е исклучено преговорите да бидат откажани во последен момент, но засега сè се одвива дека Ким и Трамп ќе се сретнат на 12 јуни во Сингапур.
Двете страни ќе преговараат за сè, од местото на средбата до позицијата каде ќе седи едниот, а каде другиот на масата во просторијата, кому ќе му биде дозволено да присуствува, бројот на паузи за јадење, што ќе се користи за здравица на лидерите (особено е проблематично тоа што Трамп не пие алкохол), какви подароци ќе бидат разменети. На крајот, треба да се договори и кој ќе плати за сето тоа, пишува „Њујорк тајмс“.
Безбедноста е главното прашање за двете страни. Како домаќин Сингапур ќе биде задолжен да обезбеди сигурност на патиштата и другите јавни објекти, но САД и Северна Кореја ќе водат сметка за безбедноста на своите лидери.