Стејт департментот нотира поволна бизнис клима во Македонија, но има еден проблем

Добивај вести на Viber

Македонија креира поволна бизнис клима, но ризик е корона кризата. 

Ваква оценка за економијата даде Стејт департментот. 

Се наведува дека правната рамка за инвестирање во земјава во голема мера е во согласност со меѓународните стандарди и странските инвеститори се третираат исто како и домашните. 

„Земјата ја поедностави регулаторната рамка за странските инвеститори што работат во ТИРЗ, кои генерално имаат позитивни искуства и добра соработка со владините претставници. Допнолнителни позитивни фактори за поттикнување на странските директни инвестиции (СДСИ) и економскиот раст е што земјата влезе во НАТО, го реши спорот за името со Грција и ги почнува преговорите за членство во ЕУ“, стои во извештајот. 

Но, целокупната регулатива останува сложена и честите законски измени, заедно со неконзистентно толкување на правилата, создаваат непредвидливо деловно опкружување погодно за корупција.

Стејт департментот истакнува дека Северна Македонија сега е членка на НАТО и е поканета да започне преговори за пристапување во ЕУ, што ќе поттикне зголемени странски директни инвестиции и економски раст.

За соседна Албанија пак се забележани повеќе проблеми, а инвестициската клима е оценета како неповолна.