Струмичанец обивал кафемати за да дојде до пари
Објавено во: Македонија 09 Јуни, 2023
Струмичанец вчера извршил четири тешки кражби, од кои три биле поврзани со обивање на кафемати, а една со автомобил. Осомничениот кој бил уапсен вчера украл пари и предмети во сите четири наврати.
Од МВР велат дека лицето е задржано во полициска станица и по целосно документирање на случаите против него ќе биде поднесена соодветна пријава.
„Вчера во 10 часот, полициски службеници од СВР Струмица го лишиле од слобода Г.П.(40) од Струмица. Тој се сомничи дека ноќта меѓу 30-ти и 31-ви мај извршил четири кривични дела ‘тешка кражба’ во автомобил и апарати за кафе на подрачјето на Струмица, при што одзел пари и други предмети.
При претрес во неговиот дом, извршен со судска наредба, биле пронајдени дел од предметите и алат кој го употребувал при вршење на делата“, информира МВР.